હળવદમાં જુગારધામ પર પોલીસનો સપાટો: રૂ. 2.62 લાખના મુદ્દામાલ સાથે 4 જુગારીઓ ઝડપાયા

હળવદ પોલીસે બાતમીના આધારે ગોકુલનગર વિસ્તારમાં એક મકાનમાં ચાલતા જુગારધામ પર દરોડો પાડી ચાર જુગારીઓને ઝડપી પાડ્યા છે. પોલીસે રોકડ સહિત રૂ. 2.62 લાખથી વધુનો મુદ્દામાલ કબજે કરી એક ફરાર આરોપીની શોધખોળ હાથ ધરી છે.

આ અંગે મળતી માહિતી મુજબ હળવદ પોલિસ સ્ટેશના પોલીસ સ્ટાફને મળેલ બાતમીના આધારે હળવદ ટાઉન વિસ્તાર આરોપી ભરતભાઈ ગોકળભાઈ બાર રહે. હળવદ ગોકુળનગર તા.હળવદ જી.મોરબી વાળાના મકાને જુગાર અંગે રેઇડ કરી કુલ ચાર ઇસમો પ્રવિણ ઉર્ફે પીટર લીંબાભાઈ કલોતરા રહે હળવદ ગોકુલનગર વિસ્તાર તા.હળવદ, બળદેવ ઘનશ્યામભાઈ ધારીયા પરમાર રહે હળવદ શરણેશ્વર સોસાયટી તળાવના કાંઠે જી.મોરબી, ધવલ દેવશીભાઇ કલોતરા રહે હળવદ ગોકુલનગર વિસ્તાર તા.હળવદ, વાસુદેવ મોહનભાઈ એરવાડીયા રહે હળવદ વસંતપાર્ક આઇ.ટી.આઇ. સામે તા.હળવદ જી.મોરબીવાળાને કુલ રોકડ રકમ રૂ.૧,૫૧,૫૦૦/- અન્ય મુદામાલ મળી કુલ કિ.રૂ ૨,૬૨,૫૦૦/- ના મુદામાલ સાથે ઝડપી પાડી તથા નહિ પકડાયેલ આરોપી ભરત ગોકળભાઇ બાર રહે. હળવદ ગોકુલનગર તા.હળવદવાળો મળી કુલ આરોપીઓ-૫ વિરુદ્ધ જુગાર ધારા મુજબનો ગુન્હો રજીસ્ટર કરી કાયદેસરની કાર્યવાહી કરવામા આવેલ છે.