મોરબીમાં ‘લુડો કિંગ’ ગેમ બન્યું જુગારનું માધ્યમ: અવની ચોકડી પાસે બે શખ્સ ઝડપી પડ્યા

મોરબીમાં મોબાઈલ ગેમ ‘લુડો કિંગ’ મારફતે રૂપિયા લગાવી જુગાર રમવાનો બનાવ બહાર આવ્યો છે. મોરબી સીટી એ ડિવિઝન પોલીસ સ્ટાફે પેટ્રોલિંગ દરમિયાન અવની ચોકડી પાસે કેનાલ નજીકથી બે શખ્સોને રંગેહાથ ઝડપ્યા છે.

આ અંગે મળતી માહિતી મુજબ મોરબી સીટી એ ડિવિઝન પોલીસ ટીમ પેટ્રોલીંગમાં હોય તે દરમિયાન મોરબીની અવની ચોકડી પાસે કેનાલ નજીકથી લુડો કિંગ ગેમ પર રૂપિયાની હાજરજીતનો જુગાર રમતા બે ઈસમ મહમદભાઇ ઇલ્યાસભાઇ સાઇબાની (ઉ.વ.૨૩) રહે-કબીર ટેકરી શેરી નં-૧ મોરબી તથા મનિષભાઇ જયકિશન ભાઇ અનાવડીયા (ઉ.વ.૨૫) રહે-અવની ચોકડી દુકાનમા મુળ રહે-એસ.બી.આઇ બેન્ક વાળી ગલી મીલની ચાલી રતનપર સુરેન્દ્રનગર વાળાને રોકડ રકમ ૧૦૨૫૦ નાં મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.