મોરબીમાં વિદેશી દારૂની હેરાફેરી વધી રહી છે ત્યારે મોરબીના કુબેરનગર શેરી નં.૩ સેન્ટ્રો કારમાં વિદેશી દારૂની હેરાફેરી કરતા એક શખ્સને વિદેશી દારૂની ૨૧ બોટલો સાથે મોરબી સીટી એ ડીવીઝન પોલીસે ઝડપી પાડયો છે.
મળતી માહિતી મુજબ, મોરબી સિટી એ ડિવિઝન પોલીસ પેટ્રોલિંગમા હતા તે દરમ્યાન મોરબીના કુબેરનગર શેરી નં.૩મા રહેતા આરોપી દિનેશભાઇ જયમલભાઈ નાગર (ઉ.વ.૪૨) ના રહેણાંક મકાનની સામે શેરીમાં આરોપીએ પોતાની સેન્ટ્રો કાર રજીસ્ટર નં.જીજે-૦૩- ઈઆર-૦૯૭૩ વાળીમા વેચાણ/હેરાફેરી કરવાના ઈરાદાથી રાખેલ વિદેશી દારૂની બોટલ નંગ-૨૧ કિં રૂ. 21 હજાર તથા કાર કિં. રૂ. 1 લાખ મળી કુલ કિં રૂ. 1.21 લાખ ના મુદ્દામાલ સાથે આરોપીને મોરબી સીટી એ ડીવીઝન પોલીસે ઝડપી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.
