ગુજરાતની સંસ્કૃતિ અને ગરિમાની યાત્રા અતિતથી અનંત સુધી શાશ્વત છે: ડો. દેવેન રબારી
આજના ગુજરાતને ઘડવામાં અનેક નામી-અનામી ગુજરાતીઓની જનશક્તિનું સામર્થ્ય ઝળક્યું છે. ગુજરાતમાં વસતા, ગુજરાત બહાર સ્થાયી થયેલા અને વિશ્વભરમાં ગુજરાતની ગરિમા ઉન્નત કરનારા સૌ ગુજરાતીઓને યંગ ઇન્ડિયા ગ્રુપ તથા દેવેન રબારી તરફથી ગુજરાત ગૌરવ દિવસની શુભેચ્છાઓ પાઠવવામાં આવી છે. ગુજરાતની સંસ્કૃતિ અને ગરિમાની યાત્રા અતિતથી અનંત સુધી શાશ્વત છે.
૧ લી મે, ૧૯૬૦ના દિવસે ગુજરાતીઓ તરીકે, ગુજરાતના ભાગ્યનું નિર્માણ કરવાની એક યાત્રાનો આરંભ કર્યો હતો. મહાત્મા ગાંધી, સરદાર પટેલ, સ્વામી દયાનંદ સરસ્વતી, શ્યામજી કૃષ્ણ વર્મા, પૂજય રવિશંકર મહારાજ, ઇન્દુચાચા અગણિત એવા મહાપુરુષો અને મનિષિઓના આશીર્વાદ, અનેક સર્જકો-સાહત્યિકારોનું માર્ગદર્શન, લોકોનો અવિરત કઠોર પરિશ્રમ એ બધાની સફળ પરિપાટીએ આપણા ગુજરાતની સાડા પાંચ દાયકાની વિકાસયાત્રાની મંઝિલ આપણે પાર કરી છે. આજે એ સૌનું સ્મરણ કરવાનો, ઋણ સ્વીકાર સાથે અભિવાદન-અભિનંદન કરવાનો અવસર છે.
અનેક પડકારો વચ્ચે પણ ગુજરાતને ઘડવામાં ગુજરાતીઓની જનશક્તિનું સામર્થ્ય ઝળકયું છે. મહાપુરુષોના પુરૂષાર્થમાં ઓટ નથી આવી એટલે જ પ્રગતિની ગતિશીલતા વેગવંતી બની છે. ગુજરાત માટે કોણે શું અને કેટલું કર્યું તેનાં લેખાં-જોખાં કરવાનો આ અવસર નથી. ગુજરાત ગૌરવ દિવસ તો એક પ્રસંગ છે. ગુજરાતની સિદ્ધિઓનું નવી પહેલરૂપ સીમાચિન્હોનું ગૌરવ કરવાનો અવસર છે. અહીં પાંચ વીશા સો નહીં પણ સવાસો કરે એવા બાહોશ વ્યાપારીઓ છે. આ એવો મુલ્ક છે જ્યાં હિસાબ કોડીનો અને બક્ષિસ લાખની, જ્યાં ખાવું પીવું ને મોજ કરવી એ બાળપણથી જ દરેક વાર્તાનાં સુખદ અંત તરીકે જીવનમાં વણાયેલું હોય, જ્યાં સોનાની દ્વારિકાને ખભાતનાં ચોર્યાસી વાવટાઓ મારા ગુજરાતની હજારો વર્ષની સમૃધ્ધિ બતાવે છે. આવું છે આપણું રંગીલું ગુજરાત.
આ તકે, ગુજરાત સ્થાપના દિવસની દેવેન રબારીની અંતરથી શુભકામનાઓ પાઠવવામાં આવી છે.
ધડકતા રેહવું એ ગુજરાતની ફિતરત છે અને વિકાસ એ ગુજરાતની આદત છે !! ત્યારે ગર્વ કરવો જોઈએ આપણા ગુજરાતી હોવાનો…
જ્યાં જ્યાં વસે ગુજરાતી ત્યાં ત્યાં સદાકાળ ગુજરાત. જય જય ગરવી ગુજરાત…
