હળવદ નજીક યુવાન પર જીવલેણ હુમલો: કારમાં આવેલા શખ્સોએ પાઈપ-ધોકાથી માર મારી ધમકી આપી

હળવદના માં રાયસંગપર અને મયુરનગર વચ્ચે આવેલી બાપા સીતારામની મઢુલી નજીક એક યુવાન પર જીવલેણ હુમલો થયાનો બનાવ સામે આવ્યો છે. યુવાન પોતાના મિત્ર સાથે બાઈક પર હળવદ તરફ જઈ રહ્યો હતો ત્યારે અચાનક એક કાળા રંગની નંબર પ્લેટ વિના અલ્ટો કારમાં આવેલા ચાર શખ્સોએ રસ્તો રોકી હુમલો કર્યો હતો.

આ અંગે મળતી માહિતી મુજબ હળવદ ભવાનીનગર ઢોરો લાંબી દેરી વિસ્તારમાં રહેતા મહેશભાઈ ઉર્ફે ગોપાલલભાઈ ગોહિલ (ઉ.વ.૨૯) એ આરોપી એસ.પી. કોળી રહે. ગામ. કુંભારીયા, તા. માળીયા મિયાણા, સામંતભાઈ રામાભાઈ ભરવાડ, ગણપતભાઈ ભરવાડ, નિલેષભાઈ હમાભાઈ સુરેલા રહે. ત્રણેય હળવદવાળા વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીઓ એક કાળા કલરની નંબર વિનાની રામાધણી લખેલ અલ્ટો કારમાં આવી ફરીયાદીને ઉભા રખાવી વિજયભાઈ અને ભરતભાઈ સાથે કેમ બેસેસ તેમ કહી લોખંડના પાઈપ તથા લાકડાના ધોકા વડે માર મારી ફરીયાદિના જમણા હાથમાં તથા ડાબા પગના ઢીંચણ પાસે અને ડાબા પગના પંજામાં ફેક્ચર જેવી ત થા શરીરે સામાન્ય ઇજા પહોંચાડી, ભુંડા ગાળો આપી જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.