Advertisement
Advertisement
મોરબીમાં સ્થાનિક સ્વરાજ્યની ચૂંટણીને લઇને રાજકીય ગરમાવો દિવસેને દિવસે વધતો જાય છે. આવા સમયે ભારતીય જનતા પાર્ટી દ્વારા વોર્ડ નંબર 10માં સંગઠનને વધુ મજબૂત બનાવવાના હેતુસર આજે રાત્રે 8:30 વાગ્યે કાર્યાલયના ભવ્ય ઉદ્ઘાટનનું આયોજન કરવામાં આવ્યું છે.
દલવાડી સર્કલ ખાતે, વીર હોટલની બાજુમાં યોજાનાર આ કાર્યક્રમ ભાજપના કાર્યકરો અને સ્થાનિક નાગરિકો માટે ખાસ આકર્ષણ બનશે. કાર્યક્રમ દરમિયાન ભાજપના અગ્રણીઓ અને મહાનુભાવો વિશેષ ઉપસ્થિત રહી કાર્યકરોને માર્ગદર્શન આપશે તેમજ ચૂંટણી પ્રચારને વધુ ગતિ આપવા માટે પ્રેરણા આપશે.
ભાજપ દ્વારા વોર્ડ સ્તરે પ્રચારને વધુ અસરકારક બનાવવા માટે કાર્યાલયની શરૂઆત મહત્વપૂર્ણ માનવામાં આવી રહી છે. આ કાર્યાલયથી હવે લોકોના પ્રશ્નો અને સમસ્યાઓને નજીકથી સમજવા તેમજ તાત્કાલિક નિરાકરણ લાવવાનો પ્રયાસ કરવામાં આવશે.
વોર્ડ નંબર 10માં ભાજપના ઉમેદવારોને લોકો તરફથી સારો પ્રતિસાદ મળી રહ્યો હોવાની ચર્ચાઓ વચ્ચે આ ઉદ્ઘાટન સમારોહ ભાજપ માટે ઉત્સાહ વધારનાર સાબિત થશે. કાર્યક્રમમાં મોટી સંખ્યામાં કાર્યકરો અને નાગરિકો ઉપસ્થિત રહે તેવી શક્યતા વ્યક્ત કરવામાં આવી રહી છે.
Advertisement
Advertisement
