મોરબીના ટીંબડી ગામના આશાપુરા ટાટા વર્કશોપ પાસે રોડ પર ટ્રકે બાઈકને હડફેટે લેતા બાઇક ચાલકનું મોત નિપજ્યું હતું. આ બનાવમાં મોરબી તાલુકા પોલીસ સ્ટેશનમાં આરોપી ટ્રક ચાલક વિરુદ્ધ નોંધાઇ છે.
મળતી માહિતી મુજબ, મોરબી તાલુકા નવી ટીંબડી ગામે રહેતા મનોજભાઇ ગોવિંદભાઈ ઝાપડા (ઉ.વ.30) એ આરોપી ટ્રક ડંમ્પર રજીસ્ટર નંબર – GJ-13-AW -8146ના ચાલક વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે, આરોપીએ પોતાના હવાલાવાળુ ટ્રક ડંમ્પરનો નંબર GJ-13-AW -8146 વાળુ પુરઝડપે અને ગફલતભરી રીતે મનુષ્યની જીંદગી જોખમાય તે રીતે ચલાવી ફરીયાદીના પિતા ગોંવિદભાઇ ભાયાભાઇ ઝાપડાના હીરો સ્પલેન્ડર પ્લસ મોટરસાઇકલ રજીસ્ટર નં-GJ-36-N-5677 વાળાને હડફેટે લઇને અકસ્માત સર્જાતા માથાના ભાગે તથા પગના ભાગે ગંભીર ઇજા પહોચાતા ગોંવિદભાઇ ઝાપડાનું મોત નિપજ્યું હતું.
આ બનાવ અંગે મૃતકના પુત્રએ આરોપી ટ્રક ચાલક વિરુદ્ધ ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી હતી.
