મોરબીના રેલ્વે સ્ટેશન રોડ પર સુરજબાગ પાસે આવેલા બચુબાપાના ઢાબા પાસે પાણીના પરબ પાસેથી આધેડનું કોઈ અજાણ્યો ચોર શખ્સ બાઈક ચોરી કરી લઇ ગયો હોવાની મોરબી સીટી એ ડીવીઝન પોલીસ સ્ટેશનમાં ફરીયાદ નોંધાઈ છે.
મળતી માહિતી મુજબ, મોરબી નવલખી રોડ પર સેન્ટ મેરી ફાટક પાસે મફતીયાપરામા રહેતા નાનજીભાઈ જીવાભાઈ પરેસા (ઉ.વ.૪૬) એ આરોપી અજાણ્યા ચોર શખ્સ વિરુદ્ધ મોરબી સીટી એ ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે, રેલ્વે સ્ટેશન રોડ પર સુરજબાગ પાસે આવેલ બચુબાપાના ઢાબા પાસે પાણીના પરબ પાસેથી ફરીયાદીનુ હીરો હોન્ડા કંપનીનું પ્લેઝર મોટરસાયકલ રજીસ્ટર નંબર -જીજે-૦૩-સી.એન-૯૮૩૩ જેની કિંમત રૂ. 40 હજાર વાળુ મોટરસાયકલ કોઈ અજાણ્યો ચોર ચોરી કરી લઇ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આરોપીને ઝડપી પાડવા તપાસ હાથ ધરી હતી.
