લજઈ-ઘુનડા રોડ પર જુગાર રમતા 6 જુગારીઓ ઝડપાયા

ટંકારાના લજઈ-ઘુનડા રસ્તે ઝૂંપડા પાસે પોલીસનો દરોડો

ટંકારા પોલીસે જાહેર જગ્યાએ ગંજીપત્તા વડે જુગાર રમતા 6 શખ્સોને ઝડપી પાડી તેમની પાસેથી રોકડ સહિત કુલ રૂ.19,700નો મુદ્દામાલ કબજે કર્યો હતો. પોલીસે તમામ વિરુદ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.

આ અંગે મળતી માહિતી મુજબ ટંકારા તાલુકા પોલીસ ટીમ પેટ્રોલીંગમાં હોય તે દરમિયાન ટંકારાના લજઈ-ઘુનડા રસ્તે ઝૂંપડા પાસે ચાલતા જુગારધામ પર પોલીસનો દરોડો પાડતા જાહેરમાં જુગાર રમતા 6 શખ્સો હસમુખભાઇ રધુભાઇ ઉધરેજા (ઉ.વ- ૩૫) રહે- વીરપર ગામ તા- ટંકારા, રાહુલભાઇ જયંતિભાઇ પાટડીયા (ઉ.વ- ૨૬) રહે- ધુનડા (સજનપર) ગામ તા- ટંકારા, અરવિંદભાઇ ભુપતભાઇ પરેચા (ઉ.વ- ૩૨) રહે- ધુનડા (સજનપર) ગામ તા- ટંકારા જી-મોરબી, કિશનભાઇ વિનુભાઇ પાટડીયા (ઉ.વ- ૨૩) રહે- ધુનડા (સજનપર) ગામ તા- ટંકારા જી-મોરબી, ગણેશભાઇ ઉર્ફે ગણો પ્રવિણભાઇ ઉધરેજા (ઉ.વ- ૨૭) રહે- વીરપર ગામ તા- ટંકારા, નાથાભાઇ કરમશીભાઇ બાવરવા (ઉ.વ- ૩૨) રહે- વીરપર ગામ તા- ટંકારાવાળાને રોકડ રૂપિયા ૧૯૭૦૦ નાં મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.