મોરબી ભાજપમાં મોટો સંગઠનાત્મક ફેરફાર: શહેર મંડળના ‘અનુસૂચિત જાતિ મોરચા’ના નવા હોદ્દેદારોની સત્તાવાર જાહેરાત

મોરબી જિલ્લા ભારતીય જનતા પાર્ટી દ્વારા સંગઠનને વધુ મજબૂત અને સક્રિય બનાવવાના ઉદ્દેશ્યથી મોટો નિર્ણય લેવામાં આવ્યો છે. જિલ્લા પ્રમુખ, પ્રભારી અને મોરબી જિલ્લાના ત્રણેય મહામંત્રીઓ સાથે વિગતવાર પરામર્શ અને સંકલન કર્યા બાદ, મોરબી શહેર મંડળના અનુસૂચિત જાતિ મોરચાના નવા હોદ્દેદારોની યાદી જાહેર કરવામાં આવી છે. આ નવી નિમણૂકોથી સ્થાનિક કક્ષાએ પક્ષના પ્રચાર-પ્રસાર અને સમાજના વિવિધ વર્ગો સાથેના જોડાણને નવું બળ મળશે.

આ નવી કારોબારીમાં પ્રમુખ તરીકે પ્રવિણભાઈ કારાભાઈ સોલંકીની નિમણૂક કરવામાં આવી છે. ઉપપ્રમુખ તરીકે કિશોરભાઈ પ્રેમજીભાઈ વાઘેલા, કેતનભાઈ દિલીપભાઈ પુરબિયા, વિનોદભાઈ કારાભાઈ સનાળાયા અને રવજીભાઈ હરજીભાઈ સોલંકીની પસંદગી કરાઈ છે. મોરચાના મહામંત્રી તરીકે હિંમતભાઈ તેજાભાઈ ચાવડા અને મહેશભાઈ ભાણાભાઈ પરમાર જવાબદારી સંભાળશે.

આ ઉપરાંત મંત્રી તરીકે રોહિતભાઈ ખંગારભાઈ વાઘેલા, જીતુભાઈ બટુકભાઈ ચાવડા, વરૂણભાઈ બાબુભાઈ સોલંકી, હસમુખભાઈ આંબાભાઈ વણોલ અને પ્રિન્સભાઈ રાજેશભાઈ અંબાલિયાની નિમણૂક કરવામાં આવી છે. જ્યારે કોષાધ્યક્ષ તરીકે બળવંતભાઈ આંબાભાઈ અંબાલિયાની પસંદગી કરવામાં આવી છે. મોરબી જિલ્લા ભાજપ અધ્યક્ષ જયંતિભાઈ રાજકોટિયાની સહી સાથે આ યાદી જાહેર કરીને તમામ નવા હોદ્દેદારોને શુભેચ્છાઓ પાઠવવામાં આવી છે.