મોરબીના પીપળી ગામે 7000 બાકી રૂપિયા બે દિવસમાં આપી દેવાનું કહીને બે શખ્શોએ યુવાનને જાનથી મારી નાખવાની ધમકી આપી હોવાનો બનાવ સામે આવ્યો છે. આ મામલે મોરબી તાલુકા પોલીસ સ્ટેશનમાં ફરીયાદ નોંધાઈ છે.
મોરબી તાલુકાના પીપળી ગામની સામે માનસધામ સોસાયટીમાં રહેતા પ્રવિણભાઇ દેવશીભાઇ ટુંડીયાએ આરોપી લાલાભાઈ મેવાળા રહે. પીપળી ગામ સામે માનસ ધામ સોસાયટી-1મોરબી તથા રાકેશ આહીર અને રાજકુમાર વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીએ આરોપીએ લાલાભાઈના પાવડીયારી પાસે આવેલ બજરંગ ગેરેજમાં પોતાનું મોટરસાયકલ રજીસ્ટર નં.GJ03-ED-5769 વાળુ રીપેરીંગ કરાવેલ હોય જેનું બીલ રૂ.10,000 થયેલ હોય અને ફરિયાદીએ રૂ.3,000 આપેલ હોય બાકીના રૂ.7,000ની ફરિયાદી પાસે સગવડ ન હોય અને આરોપી અવાર નવાર રૂપિયાની ઉઘરાણી કરતો હોય બાદ આરોપીઓ ફરિયાદિના ઘર પાસે ગયેલ અને ફરિયાદીને બહાર બોલાવી રૂપિયાની માંગણી કરતા ફરિયાદીએ બે દિવસ પછી આપી દેવાનું કહેતા આરોપીઓ એ યુવકને મારમારી જાનથી મારી નાંખવાની ધમકી આપતા યુવકે આરોપીઓ વિરુદ્ધ પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.
