મોરબી શહેરમાં અવાર નવાર મારામારીના ગુન્હામા સંડોવાયેલો શખ્સ અંતે પોલીસની ગિરફ્તમાં આવી ગયો છે. ત્યારે મોરબી સીટી-એ ડીવિઝન પોલીસે આ પકડાયેલા ગુંડાને પાસા તળે અટકાયત કરી ભાવનગર જેલ ભેગો કરી દેવામાં આવ્યો છે.
મોરબી સીટી એ ડિવીઝન પોલીસ સ્ટેશન વીસ્તારમાં અવાર નવાર મારામારીના ગુન્હાઓમાં પકડાયેલ અસામાજીક તત્વ ગણાતો પીન્ટુ નારણભાઇ અજાણા (ઉ.વ.૨૫) રહે.ધુનડા(સ) તા.ટંકારા જી.મોરબી વિરુદ્ધ મોરબી સીટી એ ડીવીઝન દ્રારા પાસાની પ્રપોઝલ કરવામા આવી હતી. જે અન્વયે ડીસ્ટ્રીકટ મેજીસ્ટ્રેટ અને કલેક્ટરે પાસા પ્રપોઝલ મંજુર કરી પાસા વોરંટ ઇસ્યુ કર્યું હતું. જેથી આ શખ્સને જીલ્લા જેલ ભાવનગર ખાતે પાસા વોરંટની બજવણી કરી મોકલવામાં આવ્યો છે.
