મોરબી એલસીબી તથા પેરોલ ફર્લો સ્કવોડના સ્ટાફને સંયુક્તમાં ખાનગી રાહે બાતમી મળી હતી કે, જયેશભાઇ વજાભાઈ બાળા રહે. ફડસર ગામ તા.જી.મોરબી વાળાએ બહારથી ઇંગ્લીશ દારૂનો જથ્થો મંગાવ્યો છે અને તેને આ ઇંગ્લીશ દારૂનો જથ્થો પોતાના જુના ગામ ફડસર ગામમાં આવેલા કાળ ભૈરવના મંદીરની પાછળ ખંઢેર ખુલ્લી જગ્યામાં રાખવામાં આવ્યો છે.
આ ચોકકસ બાતમીના આધારે પોલીસે બાતમીવાળી જગ્યાએ જઇ ચેક કરતા ત્યાંથી ઇંગ્લીશ દારૂની 291 બોટલ જેની કિં. રૂ.3,97,900 થાય છે તે મળી આવી હતી. પોલીસે આ સમગ્ર મુદામાલ જપ્ત કરી આરોપી સ્થળ પર હાજર ન મળી આવતા આરોપી વિરુદ્ધ મોરબી તાલુકા પોલીસ મથક ખાતે પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
