મોરબીમાં છેલ્લા 14 માસથી વચગાળાના જામીન પરથી ફરાર આરોપી આખરે હળવદ પોલીસ સ્ટેશન વિસ્તારમાંથી ઝડપાયો છે.
મોરબી સબ જેલના કાચા કામના કેદી દિવ્યરાજસિંહ ઉર્ફે લક્કી નરેન્દ્રસિંહ રાઠોડ તા.28/8/2024 ના રોજ 3 દિવસના વચગાળાના જામીન રજા પર જેલ મુક્ત થયો હતો. તેને મોરબી જેલ ખાતે તા.1/9/2024 ના રોજ હાજર થવાનું હતું પરંતુ આરોપી વચગાળાના જામીન પરથી ફરાર થઇ ગયો હતો. આ કેદી દિવ્યરાજસિંહ ઉર્ફે લક્કી નરેન્દ્રસિંહ રાઠોડ રહે. મધ્યપ્રદેશ વાળાને ખાનગી બાતમી આધારે હળવદ પોલીસ સ્ટેશન વિસ્તારમાંથી મોરબી એલ.સી.બી./પેરોલ ફર્લો સ્કવોડની ટીમે ઝડપી પાડી મોરબી સબ જેલ હવાલે કરવામાં આવ્યો છે.
