મોરબી શહેરમાં દારૂ ખૂલ્લેઆમ વેચાણ થઈ રહ્યો છે ત્યારે મોરબીના સામાકાંઠે આવેલ માળિયા ફાટક પાસે સુન્દરમ એપાર્ટમેન્ટમાં છઠ્ઠા માળે આરોપીના કબ્જા ભોગવટા વાળા રૂમમાંથી વિદેશી દારૂ/બીયરનો જથ્થો મળી આવતા પોલીસે કુલ કિં રૂ. ૨૦,૧૨૦ ના મુદ્દામાલ સાથે આરોપીને દબોચી લીધો હતો.
આ અંગે મળતી માહિતી મુજબ મોરબી સિટી બી ડીવીઝન પોલીસ ટીમ પેટ્રોલિંગમા હોય તે દરમ્યાન મોરબીના સામાકાંઠે આવેલ માળિયા ફાટક પાસે સુન્દરમ એપાર્ટમેન્ટમાં છઠ્ઠા માળે રહેતા આરોપી સુનીલભાઈ હેમરાજભાઈ મહેતા (ઉ.વ.૩૩) એ પોતાના કબ્જા ભોગવટા વાળા રૂમમાં વેચાણ કરવાના ઈરાદાથી રાખેલ વિદેશી દારૂની બોટલ નંગ -૦૮ કિં રૂ. ૧૪૬૦૦ તથા બિયર ટીન નંગ -૨૪ કિં રૂ. ૫૫૨૦ મળી કુલ કિં રૂ. ૨૦૧૨૦ નાં મુદામાલ સાથે આરોપી મળી આવતા તેને પોલીસે ઝડપી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.
