મોરબીમાં તસ્કરોનો તરખાટ! વિસીપરામાં એકસાથે 6 ટ્રેક્ટરની બેટરી ચોરાઈ

મોરબીના વિસીપરા-વિજયનગર વિસ્તારમાં તસ્કરોએ રાત્રિના સમયે ધડાધડ ચોરીને અંજામ આપ્યો. ખાલી જગ્યામાં પાર્ક કરેલા 6 ટ્રેક્ટરમાંથી એમરોન કંપનીની રૂ.42 હજારની બેટરીઓ ચોરી થતાં પોલીસ ફરિયાદ નોંધાઈ છે.

આ અંગે મળતી માહિતી મુજબ મોરબીના વિસીપરા વિજયનગર શેરી નં -૦૧મા રહેતા ધર્મેશભાઈ દેવજીભાઈ મકવાણાએ આરોપી અજાણ્યા ચોર ઈસમ વિરુદ્ધ મોરબી સિટી બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદી તથા સાથીઓના અલગ અલગ ટ્રેક્ટરોમાથી બેટરી નંગ -૦૬ કિંમત રૂપિયા ૪૨૦૦૦ નાં મુદ્દામાલ ની કોઈ અજાણ્યો ચોર ઈસમ ચોરી કરી લઈ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.