મોરબીમાં મોબાઈલની દુકાનમાં SOGનો સપાટો: બિલ-પુરાવા વગરના 40 મોબાઈલ સાથે વેપારી ઝડપાયો

મોરબીના નગર દરવાજા નજીક પરા બજારમાં SOG ટીમે મોબાઈલની દુકાનમાં ચેકિંગ હાથ ધરતા અલગ-અલગ કંપનીના 40 મોબાઈલ મળી આવ્યા હતા. મોબાઈલ અંગે બિલ કે આધાર પુરાવા રજૂ ન કરી શકતાં વેપારીને અટકાયત કરી આગળની કાર્યવાહી માટે સીટી એ ડિવિઝન પોલીસને સોંપાયો છે.

મોરબી એસ.ઓ.જી. પોલીસ સ્ટાફ પેટ્રોલીંગમાં હોય તે દરમ્યાન પેટ્રોલીંગ ફરતા ફરતા મોરબી નગર દરવાજા પાસે પરા બજાર મેઈન રોડ ઉપર આવેલ શ્રી ખેતશ્વર મોબાઈલ દુકાન ચેક ડરતા દુડાનમાં અલગ અલગ કંપનીના મોબાઈલ ફોન નંગ-૪૦ મળી આવતા જેના બીલ કે આધાર પુરાવા બાબતે પુછતા ગલ્લા તલ્લા કરતો હોય અને કોઈ સંતોષકારક જવાબ આપતો ન હોય જેથી ઇસમને મોબાઈલ ફોન બીલ કે આધાર પુરાવા માંગતા પોતાની પાસે નહીં હોવાનુ જણાવેલ જેથી અલગ અલગ મોબાઈલ ફોન નંગ- ૪૦ ચોરી કે છળકપટથી મેળવેલનુ જણાતા બી.એન.એસ.એસ. કલમ-૧૦૭(૧) મુજબ કબ્જે કરી તથા ઈસમ દિનેશભાઈ ભમરારામ પુરોહિત રહે હાલ લક્ષ્મીનગર સામે ટ્રાન્સપોર્ટ નગરમા શિવશક્તિ ટ્રાન્સપોર્ટ ઓફિસમા તા.જી.મોરબી મૂળ રહે. રાજસ્થાનવાળાને બી.એન. એસ.એસ. કલમ-૩૫(૧)(ઈ) મુંજબ ધોરણસર અટક કરી મોરબી સીટી એ ડીવીઝન પોલીસ સ્ટેશન ખાતે આગળની કાર્યવાહી કરવા સોપેલ છે.