મોરબી જિલ્લામાં જુગારના કેસ દિન પ્રતિદિન વધતા જઈ રહ્યા છે જેને અટકાવવા પોલીસ પણ સતત પેટ્રોલિંગ કરી જુગારીઓને પકડી પાઠ ભણાવી રહી છે. ત્યારે હળવદમાં વધુ એક વરલીભક્ત ઝડપાયો છે.
હળવદ શહેરમાં પેટ્રોલિંગ દરમિયાન પોલીસે શરણેશ્વર મહાદેવ મંદિર નજીક તળાવ કાંઠેથી આરોપી ભુપત ઉર્ફે મુન્નો લખમણભાઈ બજાણીયા રહે.ટિકર રોડ વાળાને જાહેરમાં વરલી મટકાના આંકડા લખી જુગાર રમાડતો ઝડપી પાડ્યો હતો. સાથે જ તેમની પાસે રહેલા રોકડા રૂપિયા 960 તેમજ વરલીનું સાહિત્ય કબ્જે કરી જુગારધારા મુજબ કાર્યવાહી કરી હતી.
