મોરબી જિલ્લામાં ગેરકાયદેસર રેતી ખનીજનો પ્રવાહ: ત્રણ ડમ્પર ઝડપી 50 લાખનો મુદામાલ જપ્ત
મોરબી: તા. 04/12/24ના રોજ શ્રી જે.એસ. વાઢેર (ભૂસ્તરશાસ્ત્રી, મોરબી) દ્વારા મળેલી વિવિધ ખનીજચોરી બાબતની ફરિયાદોની અન્વયે કડક કાર્યવાહી હાથ ધરવામાં આવી છે. આ સંબંધમાં આપેલી સૂચનાને પગલે હળવદ તાલુકામાં કચેરીની ક્ષેત્રીય ટીમ દ્વારા આકસ્મિક રોડ ચેકીંગ હાથ ધરવામાં આવ્યું.
ત્રણ ડમ્પર ઝડપાયા – ચેકિંગ દરમ્યાન મોજે હળવદ નજીક ગેરકાયદેસર રીતે સાદી રેતી ખનીજ વહન કરતા ત્રણ ડમ્પર પકડી પાડવામાં આવ્યા છે (1) GJ-23-X-6772 (2) GJ-13-X-0133 (3) GJ-03-AZ-2953 મુદામાલની જપ્તી – આ ત્રણેય વાહનોમાં સાદી રેતીના ગેરકાયદેસર વહન માટે કુલ અંદાજે ₹50 લાખનો મુદામાલ સ્થળ પર જપ્ત કરવામાં આવ્યો. આ વાહનોને હળવદ તાલુકા પોલીસ સ્ટેશન ખાતે સીઝ કરવામાં આવ્યા છે.
કાયદેસર કાર્યવાહી – ખનીજચોરીના આ પ્રકરણમાં નિયમોની લાગુકરણની સાથે વધુ તપાસ હાથ ધરવામાં આવી રહી છે. જિલ્લા વહીવટીતંત્ર દ્વારા ખનીજચોરી અને ગેરકાયદેસર ખનીજ પ્રવાહ રોકવા માટે સઘન ચેકિંગ અભિયાન ચાલું રાખવામાં આવશે.
