મોરબી જિલ્લા મહિલા અને બાળ અધિકારીની કચેરી દ્વારા ‘બેટી બચાવો બેટી પઢાઓ’ અભિયાન અને વિશ્વ માસિક સ્વચ્છતા દિવસની ઉજવણી અન્વયે જોન્સનગર આંગણવાડી કેન્દ્ર ખાતે જાગૃતિ સેમિનાર યોજાયો હતો.
આ કાર્યક્રમમાં વાવડી રોડ અર્બન હેલ્થ સેન્ટરના મેડિકલ ઓફિસર હાર્દિકભાઈ દેત્રોજા દ્વારા કિશોરીઓને માસિક સ્વચ્છતા, સેનેટરી નેપકિનના યોગ્ય ઉપયોગ અને તકેદારી અંગે માહિતી તથા માર્ગદર્શન આપવામાં આવ્યું. કચેરીના ડિસ્ટ્રિક્ટ કો-ઓર્ડીનેટર મયુરભાઈ સોલંકી દ્વારા કિશોરીઓને શિક્ષણનું મહત્વ અને મહિલાલક્ષી યોજનાઓની વિશે જાણકારી પુરી પાડવામાં આવી હતી.
આ કાર્યક્રમમાં ઉપસ્થિત તમામ કિશોરીઓને સેનેટરી નેપકિનનું વિતરણ કરવામાં આવ્યું હતું.
